Viewing:

Gesami Hea:su Psalms 3

Select a Chapter

Da:ibidi da ea Mano Soloumaneba:le Hobea:loba, amo Gesami Hamoi

1Hina Gode! Nama ha lai dunu da bagohame gala.

Dunu bagohamedafa da nama ougiwane ba:sa.

2Ilia na hou adoda amola amane sia:sa,

“Amo dunu da Gode Ea fidisu hame ba:mu.”

3Be Di, Hina Gode!

Di da mae fisili, na da:igene ga:su defele na gaga:sa.

Di da nama hasalasisu hou iaha,

amola na dogo denesisa.

4Na da Hina Godema wele sia:sa.

Amola E da Ea sema agolo amoga nama defele noga:le adole iaha.

5Na diasa:ili gasia golai dialoba, amola gasi huluane ganodini,

Hina Gode da na gaga:sa.

6Nama ha lai dunu osea:idafa da na dialebe guba:le sisiga:i ba:sa.

Be na da ilima hame beda:i.

7Hina Gode misa! Na Gode! Na gaga:ma!

Di da nama ha lai dunu ilima se iaha.

Ilia da gasa hameba:le nama se imunu da hamedei ba:sa.

8Hina Gode Hi fawane da hasalasu hou iaha.

E da Ea fi dunu amo hahawane dogolegele fidimu da defea.