Viewing:

ಕೀರ್ತ Psalms 100

Select a Chapter

ಲೋಕವೆಲ್ಲಾ ಇಸ್ರಾಯೇಲರ ದೇವರನ್ನು ಆರಾಧಿಸಬೇಕೆಂಬ ಬೋಧನೆ

ಕೃತಜ್ಞತಾಯಜ್ಞ ಕೀರ್ತನೆ.

ಕೀರ್ತ 95

1ಸಮಸ್ತಭೂನಿವಾಸಿಗಳೇ, ಯೆಹೋವನಿಗೆ ಉತ್ಸಾಹಧ್ವನಿಮಾಡಿರಿ.

2ಯೆಹೋವನನ್ನು ಸಂತೋಷದಿಂದ ಸೇವಿಸಿರಿ;

ಕೀರ್ತನೆ ಹಾಡುತ್ತಾ ಆತನ ಸನ್ನಿಧಿಗೆ ಬನ್ನಿರಿ.

3ಯೆಹೋವನೇ ದೇವರೆಂದು ತಿಳಿದುಕೊಳ್ಳಿರಿ.

ನಮ್ಮನ್ನು ಉಂಟುಮಾಡಿದವನು ಆತನೇ;

ನಾವು ಆತನವರು, ಆತನ ಪ್ರಜೆಯೂ,

ಆತನು ಪಾಲಿಸುವ ಹಿಂಡೂ ಆಗಿದ್ದೇವೆ.

4ಕೃತಜ್ಞತಾ ಸ್ತುತಿಯೊಡನೆ ಆತನ ಮಂದಿರದ್ವಾರಗಳಿಗೂ,

ಸ್ತುತಿಸ್ತೋತ್ರದೊಡನೆ ಆತನ ಅಂಗಳಗಳಿಗೂ ಬನ್ನಿರಿ;

ಆತನ ಉಪಕಾರಗಳನ್ನು ಸ್ಮರಿಸಿರಿ;

ಆತನ ನಾಮವನ್ನು ಕೊಂಡಾಡಿರಿ.

5ಯೆಹೋವನು ಒಳ್ಳೆಯವನು;

ಆತನ ಕೃಪೆಯು ಯುಗಯುಗಕ್ಕೂ,

ಆತನ ಸತ್ಯತೆಯು ತಲತಲಾಂತರಕ್ಕೂ ಇರುವವು.