1ཨཱདིཏོ ཡ ཨཱསཱིད྄ ཡསྱ ཝཱག྄ ཨསྨཱབྷིརཤྲཱཝི ཡཉྩ ཝཡཾ སྭནེཏྲཻ རྡྲྀཥྚཝནྟོ ཡཉྩ ཝཱིཀྵིཏཝནྟཿ སྭཀརཻཿ སྤྲྀཥྚཝནྟཤྩ ཏཾ ཛཱིཝནཝཱདཾ ཝཡཾ ཛྙཱཔཡཱམཿ།
2ས ཛཱིཝནསྭརཱུཔཿ པྲཀཱཤཏ ཝཡཉྩ ཏཾ དྲྀཥྚཝནྟསྟམདྷི སཱཀྵྱཾ དདྨཤྩ, ཡཤྩ པིཏུཿ སནྣིདྷཱཝཝརྟྟཏཱསྨཱཀཾ སམཱིཔེ པྲཀཱཤཏ ཙ ཏམ྄ ཨནནྟཛཱིཝནསྭརཱུཔཾ ཝཡཾ ཡུཥྨཱན྄ ཛྙཱཔཡཱམཿ།
3ཨསྨཱབྷི ཪྻད྄ དྲྀཥྚཾ ཤྲུཏཉྩ ཏདེཝ ཡུཥྨཱན྄ ཛྙཱཔྱཏེ ཏེནཱསྨཱབྷིཿ སཧཱཾཤིཏྭཾ ཡུཥྨཱཀཾ བྷཝིཥྱཏི། ཨསྨཱཀཉྩ སཧཱཾཤིཏྭཾ པིཏྲཱ ཏཏྤུཏྲེཎ ཡཱིཤུཁྲཱིཥྚེན ཙ སཱརྡྡྷཾ བྷཝཏི།
4ཨཔརཉྩ ཡུཥྨཱཀམ྄ ཨཱནནྡོ ཡཏ྄ སམྤཱུརྞོ བྷཝེད྄ ཏདརྠཾ ཝཡམ྄ ཨེཏཱནི ལིཁཱམཿ།
5ཝཡཾ ཡཱཾ ཝཱརྟྟཱཾ ཏསྨཱཏ྄ ཤྲུཏྭཱ ཡུཥྨཱན྄ ཛྙཱཔཡཱམཿ སེཡམ྄། ཨཱིཤྭརོ ཛྱོཏིསྟསྨིན྄ ཨནྡྷཀཱརསྱ ལེཤོ྅པི ནཱསྟི།
6ཝཡཾ ཏེན སཧཱཾཤིན ཨིཏི གདིཏྭཱ ཡདྱནྡྷཱཀཱརེ ཙརཱམསྟརྷི སཏྱཱཙཱརིཎོ ན སནྟོ ྅ནྲྀཏཝཱདིནོ བྷཝཱམཿ།
7ཀིནྟུ ས ཡཐཱ ཛྱོཏིཥི ཝརྟྟཏེ ཏཐཱ ཝཡམཔི ཡདི ཛྱོཏིཥི ཙརཱམསྟརྷི པརསྤརཾ སཧབྷཱགིནོ བྷཝཱམསྟསྱ པུཏྲསྱ ཡཱིཤུཁྲཱིཥྚསྱ རུདྷིརཉྩཱསྨཱན྄ སཪྻྭསྨཱཏ྄ པཱཔཱཏ྄ ཤུདྡྷཡཏི།
8ཝཡཾ ནིཥྤཱཔཱ ཨིཏི ཡདི ཝདཱམསྟརྷི སྭཡམེཝ སྭཱན྄ ཝཉྩཡཱམཿ སཏྱམཏཉྩཱསྨཱཀམ྄ ཨནྟརེ ན ཝིདྱཏེ།
9ཡདི སྭཔཱཔཱནི སྭཱིཀུརྨྨཧེ ཏརྷི ས ཝིཤྭཱསྱོ ཡཱཐཱརྠིཀཤྩཱསྟི ཏསྨཱད྄ ཨསྨཱཀཾ པཱཔཱནི ཀྵམིཥྱཏེ སཪྻྭསྨཱད྄ ཨདྷརྨྨཱཙྩཱསྨཱན྄ ཤུདྡྷཡིཥྱཏི།
10ཝཡམ྄ ཨཀྲྀཏཔཱཔཱ ཨིཏི ཡདི ཝདཱམསྟརྷི ཏམ྄ ཨནྲྀཏཝཱདིནཾ ཀུརྨྨསྟསྱ ཝཱཀྱཉྩཱསྨཱཀམ྄ ཨནྟརེ ན ཝིདྱཏེ།