Viewing:

རོམིཎཿ Romans 3

Select a Chapter

1ཨཔརཉྩ ཡིཧཱུདིནཿ ཀིཾ ཤྲེཥྛཏྭཾ? ཏཐཱ ཏྭཀྪེདསྱ ཝཱ ཀིཾ ཕལཾ?

2སཪྻྭཐཱ བཧཱུནི ཕལཱནི སནྟི, ཝིཤེཥཏ ཨཱིཤྭརསྱ ཤཱསྟྲཾ ཏེབྷྱོ྅དཱིཡཏ།

3ཀཻཤྩིད྄ ཨཝིཤྭསནེ ཀྲྀཏེ ཏེཥཱམ྄ ཨཝིཤྭསནཱཏ྄ ཀིམ྄ ཨཱིཤྭརསྱ ཝིཤྭཱསྱཏཱཡཱ ཧཱནིརུཏྤཏྶྱཏེ?

4ཀེནཱཔི པྲཀཱརེཎ ནཧི། ཡདྱཔི སཪྻྭེ མནུཥྱཱ མིཐྱཱཝཱདིནསྟཐཱཔཱིཤྭརཿ སཏྱཝཱདཱི། ཤཱསྟྲེ ཡཐཱ ལིཁིཏམཱསྟེ, ཨཏསྟྭནྟུ སྭཝཱཀྱེན ནིརྡྡོཥོ ཧི བྷཝིཥྱསི། ཝིཙཱརེ ཙཻཝ ནིཥྤཱཔོ བྷཝིཥྱསི ན སཾཤཡཿ།

5ཨསྨཱཀམ྄ ཨནྱཱཡེན ཡདཱིཤྭརསྱ ནྱཱཡཿ པྲཀཱཤཏེ ཏརྷི ཀིཾ ཝདིཥྱཱམཿ? ཨཧཾ མཱནུཥཱཎཱཾ ཀཐཱམིཝ ཀཐཱཾ ཀཐཡཱམི, ཨཱིཤྭརཿ སམུཙིཏཾ དཎྜཾ དཏྟྭཱ ཀིམ྄ ཨནྱཱཡཱི བྷཝིཥྱཏི?

6ཨིཏྠཾ ན བྷཝཏུ, ཏཐཱ སཏཱིཤྭརཿ ཀཐཾ ཛགཏོ ཝིཙཱརཡིཏཱ བྷཝིཥྱཏི?

7མམ མིཐྱཱཝཱཀྱཝདནཱད྄ ཡདཱིཤྭརསྱ སཏྱཏྭེན ཏསྱ མཧིམཱ ཝརྡྡྷཏེ ཏརྷི ཀསྨཱདཧཾ ཝིཙཱརེ྅པརཱདྷིཏྭེན གཎྱོ བྷཝཱམི?

8མངྒལཱརྠཾ པཱཔམཔི ཀརཎཱིཡམིཏི ཝཱཀྱཾ ཏྭཡཱ ཀུཏོ ནོཙྱཏེ? ཀིནྟུ ཡཻརུཙྱཏེ ཏེ ནིཏཱནྟཾ དཎྜསྱ པཱཏྲཱཎི བྷཝནྟི; ཏཐཱཔི ཏདྭཱཀྱམ྄ ཨསྨཱབྷིརཔྱུཙྱཏ ཨིཏྱསྨཱཀཾ གླཱནིཾ ཀུཪྻྭནྟཿ ཀིཡནྟོ ལོཀཱ ཝདནྟི།

9ཨནྱལོཀེབྷྱོ ཝཡཾ ཀིཾ ཤྲེཥྛཱཿ? ཀདཱཙན ནཧི ཡཏོ ཡིཧཱུདིནོ ྅ནྱདེཤིནཤྩ སཪྻྭཨེཝ པཱཔསྱཱཡཏྟཱ ཨིཏྱསྱ པྲམཱཎཾ ཝཡཾ པཱུཪྻྭམ྄ ཨདདཱམ།

10ལིཔི ཪྻཐཱསྟེ, ནཻཀོཔི དྷཱརྨྨིཀོ ཛནཿ།

11ཏཐཱ ཛྙཱནཱིཤྭརཛྙཱནཱི མཱནཝཿ ཀོཔི ནཱསྟི ཧི།

12ཝིམཱརྒགཱམིནཿ སཪྻྭེ སཪྻྭེ དུཥྐརྨྨཀཱརིཎཿ། ཨེཀོ ཛནོཔི ནོ ཏེཥཱཾ སཱདྷུཀརྨྨ ཀརོཏི ཙ།

13ཏཐཱ ཏེཥཱནྟུ ཝཻ ཀཎྛཱ ཨནཱཝྲྀཏཤྨཤཱནཝཏ྄། སྟུཏིཝཱདཾ པྲཀུཪྻྭནྟི ཛིཧྭཱབྷིསྟེ ཏུ ཀེཝལཾ། ཏེཥཱམོཥྛསྱ ནིམྣེ ཏུ ཝིཥཾ ཏིཥྛཏི སརྤྤཝཏ྄།

14མུཁཾ ཏེཥཱཾ ཧི ཤཱཔེན ཀཔཊེན ཙ པཱུཪྻྱཏེ།

15རཀྟཔཱཏཱཡ ཏེཥཱཾ ཏུ པདཱནི ཀྵིཔྲགཱནི ཙ།

16པཐི ཏེཥཱཾ མནུཥྱཱཎཱཾ ནཱཤཿ ཀླེཤཤྩ ཀེཝལཿ།

17ཏེ ཛནཱ ནཧི ཛཱནནྟི པནྠཱནཾ སུཁདཱཡིནཾ།

18པརམེཤཱད྄ བྷཡཾ ཡཏྟཏ྄ ཏཙྩཀྵུཥོརགོཙརཾ།

19ཝྱཝསྠཱཡཱཾ ཡདྱལླིཁཏི ཏད྄ ཝྱཝསྠཱདྷཱིནཱན྄ ལོཀཱན྄ ཨུདྡིཤྱ ལིཁཏཱིཏི ཝཡཾ ཛཱནཱིམཿ། ཏཏོ མནུཥྱམཱཏྲོ ནིརུཏྟརཿ སན྄ ཨཱིཤྭརསྱ སཱཀྵཱད྄ ཨཔརཱདྷཱི བྷཝཏི།

20ཨཏཨེཝ ཝྱཝསྠཱནུརཱུཔཻཿ ཀརྨྨབྷིཿ ཀཤྩིདཔི པྲཱཎཱིཤྭརསྱ སཱཀྵཱཏ྄ སཔུཎྱཱིཀྲྀཏོ བྷཝིཏུཾ ན ཤཀྵྱཏི ཡཏོ ཝྱཝསྠཡཱ པཱཔཛྙཱནམཱཏྲཾ ཛཱཡཏེ།

21ཀིནྟུ ཝྱཝསྠཱཡཱཿ པྲྀཐག྄ ཨཱིཤྭརེཎ དེཡཾ ཡཏ྄ པུཎྱཾ ཏད྄ ཝྱཝསྠཱཡཱ བྷཝིཥྱདྭཱདིགཎསྱ ཙ ཝཙནཻཿ པྲམཱཎཱིཀྲྀཏཾ སད྄ ཨིདཱནཱིཾ པྲཀཱཤཏེ།

22ཡཱིཤུཁྲཱིཥྚེ ཝིཤྭཱསཀརཎཱད྄ ཨཱིཤྭརེཎ དཏྟཾ ཏཏ྄ པུཎྱཾ སཀལེཥུ པྲཀཱཤིཏཾ སཏ྄ སཪྻྭཱན྄ ཝིཤྭཱསིནཿ པྲཏི ཝརྟྟཏེ།

23ཏེཥཱཾ ཀོཔི པྲབྷེདོ ནཱསྟི, ཡཏཿ སཪྻྭཨེཝ པཱཔིན ཨཱིཤྭརཱིཡཏེཛོཧཱིནཱཤྩ ཛཱཏཱཿ།

24ཏ ཨཱིཤྭརསྱཱནུགྲཧཱད྄ མཱུལྱཾ ཝིནཱ ཁྲཱིཥྚཀྲྀཏེན པརིཏྲཱཎེན སཔུཎྱཱིཀྲྀཏཱ བྷཝནྟི།

25ཡསྨཱཏ྄ སྭཤོཎིཏེན ཝིཤྭཱསཱཏ྄ པཱཔནཱཤཀོ བལཱི བྷཝིཏུཾ ས ཨེཝ པཱུཪྻྭམ྄ ཨཱིཤྭརེཎ ནིཤྩིཏཿ, ཨིཏྠམ྄ ཨཱིཤྭརཱིཡསཧིཥྞུཏྭཱཏ྄ པུརཱཀྲྀཏཔཱཔཱནཱཾ མཱརྫྫནཀརཎེ སྭཱིཡཡཱཐཱརྠྱཾ ཏེན པྲཀཱཤྱཏེ,

26ཝརྟྟམཱནཀཱལཱིཡམཔི སྭཡཱཐཱརྠྱཾ ཏེན པྲཀཱཤྱཏེ, ཨཔརཾ ཡཱིཤཽ ཝིཤྭཱསིནཾ སཔུཎྱཱིཀུཪྻྭནྣཔི ས ཡཱཐཱརྠིཀསྟིཥྛཏི།

27ཏརྷི ཀུཏྲཱཏྨཤླཱགྷཱ? སཱ དཱུརཱིཀྲྀཏཱ; ཀཡཱ ཝྱཝསྠཡཱ? ཀིཾ ཀྲིཡཱརཱུཔཝྱཝསྠཡཱ? ཨིཏྠཾ ནཧི ཀིནྟུ ཏཏ྄ ཀེཝལཝིཤྭཱསརཱུཔཡཱ ཝྱཝསྠཡཻཝ བྷཝཏི།

28ཨཏཨེཝ ཝྱཝསྠཱནུརཱུཔཱཿ ཀྲིཡཱ ཝིནཱ ཀེཝལེན ཝིཤྭཱསེན མཱནཝཿ སཔུཎྱཱིཀྲྀཏོ བྷཝིཏུཾ ཤཀྣོཏཱིཏྱསྱ རཱདྡྷཱནྟཾ དརྴཡཱམཿ།

29ས ཀིཾ ཀེཝལཡིཧཱུདིནཱམ྄ ཨཱིཤྭརོ བྷཝཏི? བྷིནྣདེཤིནཱམ྄ ཨཱིཤྭརོ ན བྷཝཏི? བྷིནྣདེཤིནཱམཔི བྷཝཏི;

30ཡསྨཱད྄ ཨེཀ ཨཱིཤྭརོ ཝིཤྭཱསཱཏ྄ ཏྭཀྪེདིནོ ཝིཤྭཱསེནཱཏྭཀྪེདིནཤྩ སཔུཎྱཱིཀརིཥྱཏི།

31ཏརྷི ཝིཤྭཱསེན ཝཡཾ ཀིཾ ཝྱཝསྠཱཾ ལུམྤཱམ? ཨིཏྠཾ ན བྷཝཏུ ཝཡཾ ཝྱཝསྠཱཾ སཾསྠཱཔཡཱམ ཨེཝ།