Viewing:

عَننَبِ دَنِيّلِ Daniel 12

Select a Chapter

مَلٍكّ شَ مَسٍنيِ رَحْنيِ

1«نَ وَشَتِ، مَلٍكّ مَنفّ مِكَيٍلِ كٍلِمَ نّ،

مَلٍكّ نَشَن عِ شَ حَمَ مَكَنتَمَ.

نَ قِندِ مَ وَشَتِ شْرْشْي نَن نَ،

نَشَن مَنِيّ سِنفٍ مُ نُ تٌ،

كَبِ حَمَنّيٍ قْلّ هَن يَكْسِ.

نَ وَشَتِ، نَشٍيٍ شِلِيٍ سّبّشِ بُكِ كُي،

عٍ كِسِ سْتْمَ نّ.

2مِشِ فبٍفبٍ نَشٍيٍ قَشَشِ عٍ نَ فَبُرِ كُي،

عٍ كٍلِمَ نّ.

ندٍيٍ سِفَمَ نّ عَرِيَننَ،

ندٍيٍ سِفَ يَهَننَمَ يَافِ كُي.

3لْننِلَيٍ يَنبَمَ نّ عَلْ كٌورٍ شْرِ،

كَرَ مْشْ تِنشِنشِ نَشٍيٍ حَمَ رَقَمَ تِنشِنيِ مَ،

نٍيٍ يَنبَمَ نّ عَلْ تُنبُييٍ،

نَشٍيٍ مُ شُبٍنمَ عَبَدَن.»

4«دَنِيّلِ، عِ شَ يِ مَسٍنيِ قِندِ فُندٌ رَ. يِ بُكِ رَفَلِ هَن وَشَتِ رَحْنيِ. نَ تّمُي مِشِ فبٍفبٍ عَ شَرَنمَ نّ، عٍ شَ قَهَامُي شُن مَسَ.»

5ﭑ تَن دَنِيّلِ، ﭑ نَشَ شّمّ فبّتّ قِرِن تٌ شِيٍ كُي. كٍرٍن تِشِ شُرٍ دّ رَ بٍ بِرِ، بٌورٍ تِشِ نَاكِرِ مَ. 6كٍرٍن نَشَ شّمّ مَشْرِن نَشَن نُ نَ شُرٍ شُن مَ، دُفِ قِيشّ رَفٌرٌشِ نَشَن مَ، «نَ قٍ مَفَاشُشِيٍ حْنمَ تّمُي مُندُن؟»

7دُفِ قِيشّ كَنيِ، نَشَن نُ تِشِ شُرٍ شُن مَ، نَ نَشَ عَ بّلّشّ قِرِنيِيٍ عِتٍ كٌورٍ مَ، عَ قَ عَ قَلَ، «ﭑ بَرَ ﭑ كَلِ عَلَ شِلِ رَ نَشَن نَ عَبَدَن، يِ قٍ شَ بُي، وَشَتِ سَشَن نُن عَ تَفِ نَن عَ رَ. عَ قَمَ كَمَلِدٍ حَمَ سّنِيّنشِ سّنبّ نَ حْن تّمُي نَشّ.» 8ﭑ نَ مّ نّ، كْنْ ﭑ مُ عَ قَهَامُ. ﭑ نَشَ عَ مَشْرِن، «ﭑ مَرِفِ، يِ قٍ حْنمَ دِ؟» 9عَ نَشَ ﭑ يَابِ، «دَنِيّلِ، سِفَ، بَرِ مَ يِ مَسٍنيِ فُندٌ نَ عَ رَ، عَ نْشُنشِ هَن وَشَتِ رَحْنيِ. 10مِشِ وُيَشِ سّنِيّنمَ نّ، عٍ قِيشّ، نْشْي بِرِن بَ عٍ مَ. كْنْ مِشِ حَاشِيٍ مُ سٍسٍ قَهَامُمَ، عٍ لُمَ نّ قٍ حَاشِ رَبَ رَ. لْننِلَيٍ تَن قَهَامُي سْتْمَ نّ.»

11«لْشْ يٌ لْشْ سّرّشّ دَن تّمُي مَ، هَن قٍ رَهَرَ مُشِ دْنشْي رَبَ تّمُي، شِ وُلُ كٍرٍن، شِ كّمّ قِرِن تٌنفٌ سٌلٌمَنَانِ نَن نَ عٍ تَفِ. 12سّيوّ نَ مِشِ بّ نَشَن عَ تُننَبّشِمَ هَن شِ وُلُ كٍرٍن، شِ كّمّ سَشَن، شِ تٌنفٌ سَشَن عَ نُن سُولِ شَ كَمَلِ. 13عِ تَن دَنِيّلِ، عِ شَ عِ تُننَبّشِ هَن عَ حْنمَ تّمُي نَشّ. نَ تّمُي عِ قَمَ نّ عِ مَلَبُدٍ، عِ مَن فبِلٍن كٍلِ رَ عَلَكٌ عِ شَ عِ كّ سْتْ سَامِن تِ لْشْي.»