Viewing:

يَبُرَ دَوُدَ Psalms 44

Select a Chapter

مُشُ مُ عِ شَ سَاتّ كَنَمَ

عَلَ مَشَندِ

1كٌرَ شَ دِيٍ شَ لْننِ بّيتِ بّيتِبَيٍ شَ مَنفّ بّ

2عَلَ، مُشُ بَرَ عَ مّ مُشُ بٍنبَيٍ سَابُي رَ،

عِ وَلِ نَشَن نَبَشِ تّمُي دَنفِشِ.

3عِ بَرَ سِيٍ كٍرِ بٍ

عَلَكٌ مُشُ بٍنبَيٍ شَ سَبَتِ يِ بْشِ مَ.

4عٍ مُ بٍ سْتْ عٍ شَ سَنتِدّفّمَ شَ رَ،

عٍ مُ كِسِ سْتْ عٍ يّتّ سّنبّ شَ رَ.

عِ تَن نَن سّنبّ بَرَ عٍ رَكِسِ،

عِ تَن نَن شَ هِننّ بَرَ قِندِ نَ سَابُي رَ.

5عَلَ، عِ تَن نَن قِندِ ﭑ مَ مَنفّ رَ.

يَندِ، عِ شَ يَشُبَ بْنسْي رَكِسِ.

6مُشُ قَمَ مُشُ يَشُييٍ رَفبِلٍندٍ عِ تَن نَن سَابُي رَ،

مُشُ قَمَ عٍ رَفٌرٌدٍ عِ شِلِ رَ.

7ﭑ مُ ﭑ شَشِلِ تِشِ ﭑ مَ شَلِ شَ رَ،

ﭑ مَ سَنتِدّفّمَ مُ نْمَ ﭑ نَكِسِدٍ.

8كْنْ عِ تَن نَن مُشُ رَتَنفَمَ مُشُ يَشُييٍ مَ،

عِ تَن نَن مُشُ شْنمِشِيٍ رَيَافِمَ.

9مُشُ عَلَ نَن مَتْشْمَ تّمُي بِرِن،

مُشُ عِ تَن نَن شِلِ تَنتُمَ عَبَدَن. حّنفِ رَتٍ.

10كْنْ يَكْسِ عِ بَرَ مُشُ رَبّحِن،

عِ بَرَ مُشُ رَيَافِ.

عِ مُ مُشُ شَ سْورِيٍ مَلِمَ سْنْن.

11عِ بَرَ مُشُ رَفِ مُشُ يَشُييٍ يَ رَ، نَشٍيٍ مُشُ شْنشِ،

نٍيٍ بَرَ مُشُ هَرِفٍ بِرِن بَ مُشُ يِ رَ.

12عِ بَرَ مُشُ رَبّحِن عَلَكٌ عٍ شَ مُشُ قَشَ عَلْ شُرُ سٍيٍ،

عِ بَرَ مُشُ رَيٍنسٍن حَمَنّ فبّتّيٍ مَ.

13عِ بَرَ عِ شَ حَمَ مَتِ سَرٍ شُرِ رَ،

نَشَن مُ قِندِ مَ فٍينِ رَ عِ بّ.

14عِ بَرَ مُشُ رَيَافِ مُشُ دْشْبٌورٍيٍ شْن مَ.

مُشُ رَبِلِنيِيٍ يٌمَ مُشُ مَ.

15عِ بَرَ عَ نِيَ سِ فبّتّيٍ شَ مُشُ مَيٍلٍ،

عٍ نُ عٍ شُنيِيٍ لِنتَن مُشُ مَ.

16ﭑ شَشِلِ عِقُشِ تّمُي بِرِن، ﭑ بَرَ يَافِ.

17نَشٍيٍ ﭑ شْنشِ، نٍيٍ ﭑ مَيٍلٍمَ، عٍ ﭑ كٌنبِمَ.

عٍ وَ مَ عٍ فبٍحْشْقٍ.

18هَلِ يِ بِرِن تٌ رَبَشِ مُشُ رَ،

مُشُ مُ نّيمُشِ عِ مَ،

مُشُ مُ عِ شَ سَاتّ كَنَشِ.

19مُشُ بْحّ مُ فبِلٍنشِ عِ قْشْ رَ،

مُشُ مُ مُشُ مَكُيَشِ عِ شَ كِرَ رَ،

20نَشَن عَ نِيَمَ عِ شَ مُشُ لُ وُلَبَرٍيٍ تَفِ،

مُشُ شَ قَشَ.

21شَ مُشُ سَ نّيمُ مُشُ مَرِفِ عَلَ شِلِ مَ،

شَ نَ مُ عَ رَ مُشُ نَشَ عَلَ فبّتّيٍ بَتُ،

22عَلَ مُ عَ كٌلٌنمَ شّ؟

عَ مُ مِشِ فُندٌ بِرِن كٌلٌن؟

23كْنْ مِشِيٍ نَ مُشُ قَشَقٍ عَلْ شُرُ سٍيٍ.

عٍ نَ رَبَمَ تّمُي بِرِن عِ تَن نَن مَ قٍ رَ.

24ﭑ مَرِفِ، شُنُ. عِ شِقٍ مُنقٍ رَ؟

كٍلِ، عِ نَشَ مّي مُشُ رَ تّمُي بِرِن.

25عِ يَتَفِ نْشُنمَ مُشُ مَ مُنقٍ رَ؟

عِ نّيمُشِ مُشُ شَ تْورّ نُن يَافِ مَ مُنقٍ رَ؟

26مُشُ بِرَ نّ بْشِ، مُشُ مُ نْمَ كٍلِدٍ سْنْن.

27يَندِ، كٍلِ، قَ مُشُ مَلِ.

عِ شَ مُشُ شُن سَرَ عِ شَ هِننّ شَ قٍ رَ.