Isirayila xa konyiya Babilɔn bɔxi ma
Ala matɔxɔɛ
1Muxu nu dɔxɔxi Babilɔn xuree dɛ ra Siyoni xa fe ratufe ra.
2Muxu nu bara muxu xa kɔrae gbaku wuri bilie kɔn na.
3Muxu yaxuie nu Siyoni bɛɛtie maxɔrin muxu ma,
e nu wama bɛɛti sɛɛwaxi nde xɔn.
E naxɛ, «Siyoni bɛɛti nde ba muxu bɛ.»
4Muxu nɔma bɛɛti bade Alatala bɛ yi konyiya kui di?
5Darisalamu, xa n nɛɛmu i ma,
n bɛlɛxɛ naxa nɔ kɔra raberede sɔnɔn,
6n nɛnyi xa kankan n dɛ kui.
Na xa raba n na xa a sa li n naxa nɛɛmu Darisalamu ma,
xa a xa fe mu findi n ma sɛɛwɛ ra.
7Alatala, i xa ratu Edonkae xa fe raba ma Darisalamu xa nimisɛ lɔxɔɛ.
E tan nan nu a falama,
«Won xa a kana han won sa a ba a bunyi ra.»
8Babilɔn, wo xa xunnagore bara gɛ ɲanigede,
sɛɛwɛ na a bɛ naxan i sare ragbilenma i ma,
i fe ɲaaxi naxan nabaxi muxu ra.
9Sɛɛwɛ na mixi bɛ
naxan i xa die suxuma,
a e butuxun fanye fari.