Viewing:

Yabura Dawuda Psalms 58

Select a Chapter

Adamadie sare

Ala xa sɛriyɛ

1Dawuda xa suuki bɛɛtibae xa mangɛ bɛ. A xa ba alɔ bɛɛti naxan xili «I naxa kasarɛ ti».

2Wo xa wɔyɛnyi mu tinxin.

Adamadie, wo nɔma kiiti sade nɔndi ra?

3Ade, wo fe ɲaaxi rabama wo bɔɲɛ kui,

wo fe ɲaaxi rabama yi bɔxi ma,

wo mixi ratantanma duniɲa ma.

4Kafi e bari tɛmui,

e findixi mixi ɲaaxi nan na.

Wule falɛe bara lɔɛ kabi e bari lɔxɔɛ.

5E xa xɔnɛ luxi nɛ alɔ bɔximase xɔnɛ,

alɔ bɔximase naxan mu bɔximase suxui xui ramɛma.

6Hali bɔximase suxui fanyi, a mu nɔma a suxude.

7Ala, i xa e ɲinyi kana e dɛ i, barima e luxi nɛ alɔ yɛtɛ.

Alatala, i xa e dɛ wanwan.

8E ɲɔnma nɛ alɔ ye naxan ifilima bɔxi.

E xa tanbɛ mu ɲɛrɛma sɛnbɛ ra.

9A luma alɔ boe naxan fate lɔɛma lingi kui.

A luma alɔ di naxan baxi a nga fate i, a mu foye to.

10Beenun tunde xa fura yege malinsinxi ra,

xa na mu a ra yege xare ra,

Ala e kɔma nɛ, a e wɔlɛ a i.

11Mixi tinxinxi fama ɲɛlɛxinde barima a fama gbeɲɔxɔɛ sɔtɔde.

A fama a sanyi maxade mixi ɲaaxi wuli ra.

12Adamadie fama a falade, «Iyo, Ala mixi tinxinxi sare fima.

Iyo, Ala kiiti sama nɛ duniɲa ma.»